Yéego ádił asdzih bee ak’ihodiit’ą́h bikéédóó i’ji’ádígíí
Yéego ádił asdzih bee ak’ihodiit’ą́h bikéédóó i’ji’ádígíí
Díí naaltsoos siłtsoozígíí bikáá’ bee baa dahane’í éí diné yéego adił da’asdzih bee bik’ih hodiit’ánígíí bá.
Yéego ádił asdzih bee nik’ih hodiit’ánígíí nee hólǫ́ǫgo, i’í’áád bee ná’ahoot’i’í daats’í hashch’eh doolnííł. Nitsaa bee nił hahoodzoh doodago kéyah bił hohoodzoh bibee nahaz’áanii dóó bee ná nihoot’ánígíí hazhó’ó baa hane’ígíí bóholnííh. Ne’agha’diit’aahii doodago aadahwiinít’į́h ná yáłti’í bich’į’ hane’ anilééh eii bee nánihoot’ánée ałtsoh íinilaa dóó néé’ilnii’ bił ahoot’éhígíí ałtsoh bíighah íinilaaígíí bee hwiidííł’aał. T’áá akǫ́ǫ́h diné áyádaałt’i’ dah shijaa’ígíí eii diné awáaliyah nahéestánígíí yił nidaalnishí ałdó’ bich’į’ hane’ aniléehgo bíighah. Áłahjį’ agha’diit’aahii áka’adoolwołígíí bee dahólǫ́.
Department of Justice’s Guide to State Voting Rules After a Criminal Conviction (Bilagáana k’ehgo) i’í’áád bee ná’ahoot’i’ígíí yee nika’iilyeedgo bíighah. Bik’ehgo á’dooníłígíí nitsaa bił hahoodaoh bik’eh t’áá sahdii át’éego nida’iisdzíí’ dóó nááná ła’ bee éédahoziní, díí ąąh jisdáhí dóó hak’ih adéest’į́’ígíí dah bee baa dahane’í eii i’í’áád bee ná’ahoot’i’í bideet’i’ hólǫ́ǫgo áyósin. The Department of Justice bik’ehgo á’doolníłígíí ałdó’ diné yéego ádił asdzih nidago ła’ bee bik’ih hodiit’ánígíí, díí ha’át’ííshį́į́ doo yik’eh hóół’įįdgóó doodago yah aalt’e’go da. bee baa dahane’í bidaoltą’.
I’í’áád bee ná’ahoot’i’ bitséedi ida’ii’nííł biniiyé ha’dilaaígíí ádił asdzih bee aahwiinít’į́h adoonííł.
Nitsaa bił hahoodaoh dóó kéyah bił hahoodzoh bik’eh t’áá ałtsohjį’ bik’ehgo áhodooníłígíí
Yéego ádił asdzih bee nik’ih hodiit’ánígíí bikéédóó i’jíí’ah bąąh nitsaa bił hahoodzoh dóó kéyah bił hahoodzoh bibee nahaz’áanii t’áá ałąą ádaat’é. Awáaliyah hótsaa bikéédóó i’í’áád bą́ą́h kǫ́ǫ́h bik’eh t’áá ałtsohjį’ bik’ehgo áhodooníłígíí. Bee nik’ih hodiit’ánígíí, ha’át’ííshį́į́ yéego bee ádił asínísxihígíí, dóó nááná ła’ t’áá sahdii át’éego bee nił áhoot’įįdígíí bik’ehgo bee ałkéé’ dahoní’ánígíí ła’ bi’ąą doodahígíí daats’í ła’ náádahólǫ́.
대화 참여하기